識少少系列-花虎回色分享
小編入水晶蝦的坑，最先是喜歡紅白，然後就是花虎。紅黑花虎的紋路真係非常靚，而且每一隻蝦都有不同的表現同特徵，好易認，亦好易分。
第一次入花虎，是在一個店家買，在蝦房撈咗幾個鐘，選了3隻即戰母，亮麗的鮮紅色，令人滿意的紋路，滿心歡喜地回家。點知，返到屋企入缸後，發現有一兩隻Ｄ肉變晒透明，紅色部份好似甩色咁，非常擔心係咪有咩問題。
事後先明白，原來花虎，在經過入袋運送，進入另一個新環境時，會因為未能適應，受驚或是水體唔夾，褪色變得透明。經過大概1-2星期的時間，適應咗之後，顏色終於回來了。 小編亦遇過，有部份花虎回色速度較慢，最後吸一吸泥底，搞好番個水體，顏色都返晒嚟。
花虎回色速度人人唔同，亦唔係隻隻都會褪色，以上純粹小編個人分享，大家參考參考。
同POST 小編分享一下，8月初收嘅一隻黑虎，2個星期左右，顏色都回來了。