最近多咗好多新朋友玩水晶蝦, 新入坑有好多問題，最多人問就係點開缸。隻缸開得唔好，就會一直死蝦，得不嘗失。以下係來自台灣冠軍蝦房，花花的開缸秘方：
1）落泥，薄泥就OK，1粒泥嘅厚度，ADA一代泥，你懂的 2）加花花開缸粉，少量平均灑在泥面 [1呎缸一平匙(大) - 盒內提供] 3）加花花菌粉，按份量 [1呎缸一平匙(大) - 盒內提供] 4）加水，慢慢加 5）加 花花 GH+ 礦物水，調TDS到100 6）水妖拎走兩舊綿，開機比佢打氣，燈光每日開6-8小時 7）2星期時間，中間不換水，不補水 8）2星期後換一半水，如有濾桶可以開始駁，桶內再加菌粉，加水，開濾桶 9）水妖加番綿，再補少量菌 10）養水足一個月，再換一半水，補少量菌 11）可以放蝦，慢慢加蝦，先讓蝦食晒泥面Ｄ菌膜
12）水草最後先放，推薦陰性草如莫絲﹑黑木蕨等，幫助吸收ＮＯ３
有蝦友問，有冇方法可以再快D? 有。不過不適用於開新缸用新泥。想知可以pm小龍查詢。
開好一隻缸，後面可以煩少好多野，養水就係要時間。煮麵最少3分鐘，欲速則不達，有部份蝦友心急，一星期唔夠落蝦，蝦唔會即時死，2星期左右，蝦開始弱就一隻隻死。蝦缸開得唔好，會一直死蝦，到時要翻一次缸，走了遠路，又何苦。
眼利嘅朋友問，花花3寶少咗 1寶? 剩底1寶就係「花之蝦糧」。呢隻糧係花花手做，非常搶口，試過就知。開缸後，每次換水，就改用細匙，加菌粉補充，開缸粉更可以作微生物料使用，作為大蝦細蝦食物來源，份量一樣都係一呎缸一平匙，盒內提供另一支匙(小)。
想開缸嘅朋友，可以聯絡我哋 或 到蝦房選購。花花3寶，可以幫你順豐到屋企。一套可以夠開７隻缸以上，花花所有蝦房都係用佢，簡單容易，已經有百位以上蝦友實證。水晶蝦開缸，其實唔貴，跟足一套開就夠。死一隻蝦都幾百蚊，專心用一套方法又養到係最平。