上一篇講硝化菌，呢一篇繼續講開缸嘅心得，開缸粉。
養水即養菌，菌除左打氣以外，其實需要原料供給，作為硝化菌轉化。根據維基百科 ＂細菌能通過食用無機氮化合物生長＂而無機氮化合物 又係咩? 講到咁深都係唔會明。簡單嚟講就係有物料比醒咗嘅菌去利用。十年前開缸，蝦友會利用試水蝦，比D蝦入去爬泥，比佢食完野排泄，又或者放螺類入缸，螺會不停拉屎，兩個方法就係為咗制造排泄物比菌作為轉化，時代已經進步，＂唔使用劍嘅＂，用開缸粉作為材料即可。試水蝦會變弱易死，螺會爬到泥底，生物開缸可以唔使了。
花花的開缸粉，要在開缸的時候加入缸，內含豐富的開缸各樣元素，待醒菌之後，就可以比菌去進行作用。頭2星期養水打氣，就會長出菌膜，一個月後入蝦，菌膜可以先比蝦作為補品食，食左特別容易大同抱蛋。待開缸之後，開缸粉亦可以作為微生物粉用，補充養份比隻缸，一物兩用。 不過粉類食物，再次提醒蝦友，比較容易肥水而產生線蟲，蛋白蟲同水蚤，三者都係無害，代表住缸的養份足夠，有微生物能生存，亦代表蝦B較易生存。不過太多微生物，除左有密集恐懼以外，亦代表水太肥，水太肥亦會易死蝦，當水太肥時，應該停止落粉類食物，換多少少水，過一段時間，就會正常。蝦缸講究平衡，粉類食物要份外注意。